Xortdanın şəkli çəkildi

Xortdanın olduğu yer yasaq edilib

ABŞ. Luiziana ştatındakı Morqan-Siti şəhəri yaxınlığındakı Bervik qoruğunda fövqəladə vəziyyətdir. Berkli Fauler adlı ovçu noyabrın 30-da qoruqda idi. "Maralların gecə çəkilişinqi aparmağa hazırlaşırdım. Gecə saat 1 olardı. Kolluqda uzanıb maralların göl qırağına gəlməsini gözləyirdim. Birdən qarşımda xortdan gördüm. Bomboz bədəni, əyri əlləri, qaranlıqda fənər kimi yanan girdə gözləri vardı. Çox qorxsam da, qışqırmadım, səsimi çıxarmadım. Xortdan mənə tərəf gələndə çaşıb yanımdakı iri əl fənərinin düyməsini basdım. Gur işığı görən kimi xortdan qaçdı", - Fauler deyib. Onun çəkdiyi iki kadrı araşdıran ekspertlər və mütəxəssislər bu şəkillərin fotomontaj olmadığını bildiriblər. Belədirsə, Fauler xortdanın fotoşəklini çəkməyi bacaran ilk insandır.