Öldüyü halda işləyən əməkdaş

Onun dünyadan köçüyünü niyə gec bildilər

ABŞ. Nyu-Yorkdakı nəşriyyatlardan birinin əməkdaşları bir həftə işə gedib-gəliblər, amma iş yoldaşlarının öldüyünün fərqinə varmayıblar. Ölmüş işçinin meyiti isə 23 nəfərin işlədiyi otaqda olub. Mərhum adamayovuşmazdı və vaxtının əksər hissəsini təklikdə keçirirdi. 51 yaşlı Corc Turklebom nəşriyyatda 30 ildən artıq işləyib, korrektor olub.

Onun ürəyi dayananda isə həmkarlarından kimsə bunun fərqinə varmayıb. İşçilərin dediklərinə görə, Corc işə hamıdan tez gəlib hamıdan gec getdiyindən kimsə nə baş verdiyini anlamayıb. Çünki Turklebom iş yerində həmişəki pozasında oturubmuş. Ölü beləcə, bir həftə kresloda "oturub". Yalnız həftəsonu xadimə qadın onunla maraqlanıb və ölüdən soruşub ki, bəs Corc niyə istirahət günü də çalışır. Cavab gəlmədiyini görən xadimə Turkleboma toxunub və onun öldüyünü anlayıb.