İnsan zəhəri ilanı öldürdü
Həmin insanın ağız suyu tədqiq edilir
Hindistan. Camşedpur şəhərindən 120 km şimaldakı Patna-Rançi kəndinin sakini Vaçaspati Dhrişdatyumna gecə evinə ilan girdiyini görüb. Qıvrılaraq uşaqların yatdığı otağa sürünən kral kobrası ev sahibinin işıqları yandırmasından sonra çarpayının altına sürünüb. Vaçaspati də qorxmayaraq ilanı quyruğundan tutub dartıb və kobra onun üstünə atılıb. Sonucda zəhərlənərək ölən insan yox, ilan olub.
Belə ki, Vaçaspati onu sancmağa hazırlaşan kobranın boğazından tutaraq qaldırıb və dişləriylə ilanın boynunu gəmirib. Kəndin həkimi Kamyaka Maxaparşvanın dediyinə görə, ilan zəhərlənərək ölüb. «Buna inanmaq mümkün deyil, ağlasığmazdı - amma həqiqətdi. Dünyanın ən zəhərli ilanlarından biri sayılan kral kobrası Vaçaspatinin ağız seliyindəki zəhərdən ölüb», - həkim deyib. Onun dediyinə görə, 67 yaşlı Vaçaspati Dhrişdatyumna 4 yaşından bəri hatha-yoqa ilə məşğul olur və yoqanın «asana» ilə «pranayama» sistemlərinin kamil bilicisi olduğundan həyəcan anlarında seliyindəki zəhərli fermentlərin miqdarını artıra bilir. İlandan zəhərli kəndli Dehliyə aparılıb. Onun seliyi tədqiq ediləcək və Vaçaspatinin ilanı öldürən zəhərinin tərkibi araşdıralacaq.
No comments:
Post a Comment