Ruhi xəstə olan qızını zorlayan 53 yaşlı kişi həbs edildi

“Bunu kiməsə desən, səni öldürüb, qanını içərəm”, - deyən atanı 50 il müddətinə azadlıqdan məhrum edə bilərlər

Türkiyə. Əskişəhər vilayətində doğma qızını zorlamaqda təqsirləndirilən 53 yaşlı kişinin məhkəməsi başlayıb. Lent.az-ın “internethaber”ə istinadən məlumatına görə, ittiham aktında göstərilir ki, R.O. əqli cəhətdən inkişaf etməmiş 16 yaşlı qızı L.S-i zorlayıb. Nəticədə qız uşağa qalıb.

İttihama əsasən, R.O. qızını İzmirdə bir ailəyə övladlığa verib. 2008-ci ilin sentyabrında qızı atasını görmək üçün Əskişəhərə gedib. Həmin vaxt R.O. qızını tarlaya aparıb, soyunduraraq, çılpaq rəqs etdirib. Sonra içkisinə bihuşedici dərman atıb və onu zorlayıb. Manyak ata qızı ilə müxtəlif vaxtlarda 3 dəfə cinsi əlaqədə olub və onu “bunu kiməsə desən, səni öldürüb, qanını içərəm”, - deyə qorxudub.

Qız bu barədə heç kimə bir söz deməsə də, hamilə qalıb və həqiqət üzə çıxıb. L.S-i övladlığa götürən ailə qızın hərəkətlərindən şübhələnərək, onu həkimə aparıb. Qızın 11 həftəlik hamilə olduğu və DNT testi ilə onun doğma atasından uşağa qaldığı müəyyənləşib. Nəticədə qızın körpəsi abort edilib. Hazırda məhkəməsi davam edən manyak atanın 50 il müddətinə azadlıqdan məhrum edilməsi gözlənilir.