Sevgi oyunu oynayan quşlardan dizayn

Onlar özləri ilə siluet cızıblar

Meksika. Dünya şöhrətli fotoqraf Robert Haas böyük flaminqo dəstəsinin tənha flaminqonu xatırladan qeyri-adi düzülüşünü lentə köçürə bilib. Məqam o qədər ani olub ki, bu möcüzəni vertolyotdan müşahidə edən sənətkar ikinci kadra imkan tapmayıb. Çəhrayı (qızılgülü) flaminqolar Texas ştatının cənub-şərqində qeydə alınıb. Həmin gün Haas bir neçə yüz şəkil çəkib. Amma bu görüntü fotoqrafı heyran qoyub. Haas əmindir ki, o ikinci dəfə belə bir səhnə görə bilməyəcək. Robert Haas “hava fotoqrafı” adlandırılır. Keçmiş Texas maqnatı 2002-ci ildən aeroçəkilişlə məşğuldur.