Siçan qatili həbs edildi

O daha ağır cəza da ala bilmədi

İngiltərə. London məhkəmlərindən birində evdə saxladığı Syuzi adlı dişi siçanı mikrodalğalı sobaya atıb öldürən 29 yaşlı britaniyalıya 9 həftə həbs verilib. Bu adama 5 il evdə heyvan saxlamaq qadağan edilib. Cinayətkar hadisə zamanı sərxoş halda olduğunu və nə etdiyini bilmədiyini söyləyib. Polislər yanmış siçanı həyətdə zibil çənindən tapıblar. Peşman britaniyalı məhkəmədə siçanı tərifləyərək onlara deyib: “Mən Syuzini öldürmək istəmirdim, o dünyanın ən gözəl siçanı idi!”.

O daha ağır cəza da ala bilərdi, amma vəkili məhkəmədə sübuta yetirib ki, siçan Syuzi sobada çox əziyyət çəkməyib və dərhal ölüb. Bu arqument cinayətkarın həbs müddətini azaldıb.