4 yaşlı qızını zorlayan ata

Sonda məhkəmədə bəraət qazandı

Belçika. Məhkəmə 4 yaşlı qızını zorlamış 30 yaşlı ataya bəraət verib. Avropa mətbuatının yazdığına görə, kişi nadir xəstəlikdən - seksomaniyadan əziyyət çəkdiyini bildirib. Atanın sözlərinə görə, o, zorakılığa «özünü dərk etmədiyi vaxt» yol verib. Evə sərxoş gəlmiş ata qızı ilə bir otaqda yatdığını, yuxuda olan zaman uşağı zorladığını və yalnız körpənin qışqırtısına ayıldığını söyləyib. Məlumata görə, qızcığaz baş verənləri nənəsinə danışıb, nənə isə polisə müraciət edib. «Seksomaniya lunatizmin seksual versiyasıdır. Mən baş verənlərə görə çox utanıram», - deyə 30 yaşlı kişi məhkəmədə verdiyi ifadəsində bildirib. Məhkəmənin atanı azadlığa buraxmasından ən çox hiddətlənən isə zorlanmış qızcığazın anasıdır. O hesab edir ki, məhkəmələr bununla pedofillərin «əl-qolunu» açır.