Dünyanın ən böyük atı

Nobbi dünyanın ən böyük atı sayılıb

Avstraliya. Laskomb Nordrem və ya sadəcə Nobbi ləqəbli at yeni rekord vurub. Nobbinin çəkisi 1 tondan çoxdur, boyu isə 2,05 santimetrdir. O, öz ölçüləri ilə balaca avtomobili xatırladır. Şayr növündən olan atı Şir qraflığında saxlayırlar. Maraqlıdır ki, Nobbinin ötən əsrin 80-ci illərində İngiltərədə saxlanılan babası Ledbruk Edvard da dünyanın ən hündür atı hesab edilib.

Atın sahibi Ceyn Qrinmen qeyd edir ki, bu hələ yekun rekord deyil. Çünki Nobbi artmaqda davam edir. Nobbinin saxlanması Ceynə çox baha başa gəlir. O, atını saxlamaq və ona qulluq edə bilmək üçün Nobbini işləməyə məcbur edir. Nobbi ağır yükləri daşımağa öyrədilsə də, belə boyu olan at üçün bu çox çətin işdir. Ceyn Qrinmen Nobbinin “Ginnesin Rekordlar Kitabı”na daxil edilməsi üçün müvafiq sorğu ilə müraciət edib.